超欣人日接賭王出院

賭王何鴻燊自大年初一因發燒感冒入住養和醫院深切治療部（ICU）後，昨日初七「人日」終於出院！醫院動用十名工作人員護航，築起人牆兼特設記者圍欄，高度戒備，繼而由四房孻女何超欣接送離開！

昨日下午近三時，架上黑超的四房太太梁安琪素顏現身，問到賭王身體狀況及何時出院？她說：「唔知！依家上去睇吓點！（送咩情人節禮物畀何生？）我都唔知情人節係幾時。」

座駕駛回三房大宅

四太逗留個半小時後，離開時添上妝容，精神奕奕。問到賭王身體狀況時，她說：「OK！（何生有冇食啲咩？）冇乜。（幾時出院？）晏啲！我趕時間。」由於四太有要事需往澳門，便由孻女何超欣護送賭王出院。

下午五時，醫院動用十名醫院工作人員，築起人牆兼設記者圍欄，作高度戒備，確保賭王安全。戴上冷帽的賭王被送上車牌BD1000七人車，只能見到賭王的側面，其後超欣與保母一行五人隨後上車，七人車四面拉簾，離開醫院駛回三房大宅。

同日四房長女何超盈因素顏現身機場，叫記者不要拍照，她邊出閘邊傾電話，手上拿着一個大卡通尼龍袋，顯得狼狽：「呢啲係送畀人！早排同媽咪去咗美國，之後自己轉咗機。」