藝人陳智燊（Jason）自幼在英國讀書，中文程度有限，入鄉隨俗的他亦寫揮春慶蛇年，他寫「心想事成」時一臉自信，更笑言絕對難不到他！但寫「身體健康」時，Jason卻大叫「咁難o架！」惟有發揮小宇宙，以「公仔」代替「身體」二字，他說：「我盡晒力喇，希望大家睇得明啦，身體健康對我哋藝人真係好緊要！」今年犯太歲的Jason並不迷信，他說：「我知犯太歲，但唔會做啲咩去化解，細個嗰陣媽咪會畀十二生肖嘅玉器我戴，但求安心啫！」
中文唔掂的陳智燊，寫揮春時鬧出不少笑話。
