張家輝勸Bobby戒酒
歐陽震華（Bobby）入院5天，精神狀況開始好轉，好友張家輝昨午獨自到醫院探望，逗留個多小時才離開，他說：「佢冇咩喎！淨係多咗黑眼圈。我同佢講，大難不死必有後福。我話身體響起警報，叫佢半年唔可以飲酒，佢面色一沉，話仲慘過坐監，但佢靜雞雞去『入油』，我諗冇人阻到佢。」家輝又透露原本關詠荷打算與他同行，奈何最後要開工。
而Bobby太太傅潔嫻及經理人Lydia昨午帶同免治牛肉飯及薑湯到醫院，向記者表示向來有潔癖的Bobby已自行落床刷牙及洗澡，又量血壓兼接受物理治療，當問到患上肺炎的他何以接受物理治療時，傅說：「呢啲醫學上嘅嘢，我唔係咁清楚。」
張家輝到醫院探望好友歐陽震華。
Bobby太太帶同免治牛肉飯及薑湯到醫院。