李彩華唔信峯語分房瞓

李彩華（Rain）昨日出席公開活動，對於舊愛林峯與吳千語同遊日本，及後女方強調二人是分房瞓，Rain直言不相信，認為戀人同房實屬正常，反而分房才奇怪！

自林峯公開與吳千語拍拖後不久，二人即飛日本過年兼共度情人節，舊愛李彩華（Rain）雖然仍然形單影隻，不過事業卻發展得相當順利，昨日她與母親、黃婉曼（Icy）齊齊出席攝影比賽暨作品展開幕禮，Rain展出去年受浸的照片，直言當時是人生的轉捩點，感情上不愉快，但受浸後令其人生改變不少。

情人節收99支花

Rain自爆目前有幾位追求者，情人節更收到99支鮮花，但她希望再觀察一段時間，故未有跟對方約會。對於舊愛阿峯與吳千語外遊返港，千語日前出席活動時強調二人分房瞓，Rain說：「我唔係好信，咁同一間房瞓都唔一定會發生啲乜，拍拖同房好正常，分房反而奇怪添！」

而Icy則透露情人節當日與男友食飯慶祝，問到有否收禮物？她說：「係舊年生日禮物嚟嘅，不過佢情人節送，係一個名牌手袋。（收樓好唔好？）我都想，慳番啲錢送畀我。（咁你送咩畀佢？）我哋不嬲都唔重視節日，之前用8折買咗隻錶畀佢冇晒錢，所以情人節就送咗啲折扣嘢畀佢！（今年結婚？）呢樣嘢好複雜，要重新再計劃過。」