薛凱琪被困酒店餐餐吔雞

薛凱琪（Fiona）首次夥吳君如和鄭中基拍攝賀歲片《百星酒店》，她表示全片最難忘之處是取景的地方：「除咗一間酒店之外就乜都冇，所以我哋成個月，早、午、晚餐都食馬蘭頭、白切雞、白飯同魚頭，餐餐食真係食到嘔！好似杜汶澤嘅助手返嚟香港之後，幾個月都冇再食雞。」

談及剛過去的情人節，單身的Fiona坦言恨拍拖：「我唔係要一個伴侶陪我吃喝玩樂，我要一個可以一生一世嘅人。（緋聞男友方大同？）係朋友，因為我係好需要安全感嘅人，而安全感係來自時間，但我哋好少見，成日畀人影到係因為每次我哋去嘅地方都好當眼。（擇偶條件？）圈外人會簡單啲，可以做多啲正常人嘅事，做藝人好少選擇，要搵到個男仔專一、同我有相同價值觀，同埋傾得埋嘅係好難。」