松岡李那打牌識朋友
新正頭，女子組合Girls Kingdom借攻打「四方城」應節，測試蛇年財運及手氣，但五女首次打廣東麻雀，雞手鴨腳，場面爆笑！田代麻衣先開出「大三元」，祝大家蛇年「發發發」。蔡恩真及朴喜秀一人一手摸出「東」成「西」就，湊夠一副爆棚「十三么」，嚇得久保杏奈「冇眼睇」，松岡李那及田代麻衣則笑個不停！
雀局雖純屬搞笑，但松岡李那笑言想學打麻雀交友：「打麻雀睇落去好有趣，如果學識玩，應該可以識到更多朋友。」但蔡恩真曾被雀友的強大「氣勢」嚇親：「之前喺廣州睇過人玩，佢哋打得好激動、好大聲，我睇到有啲驚！」看來大家在新年「激戰」之餘，亦要注意和氣生財，免傷和氣。
蔡恩真祝大家一本「萬」利、夫婦「筒」聲「筒」氣。
朴喜秀祝少女們愈來愈「索」，愈贏愈有！
蔡恩真及朴喜秀摸出「東」成「西」就，開出奇牌「十三么」，久保杏奈當堂冇眼睇！
久保杏奈