張繼聰和富商趙世曾昨日出席慈善籃球賽，張繼聰雖自嘲年紀大是「黃昏球員」，但狀態大勇狂入三分球，原來獲老婆謝安琪（Kay）隔空打氣，在微博上載與囝囝張瞻的搞笑合照，更留言：「贏了我請你喝汽水！」
而趙世曾獲女伴Lena相伴打氣，兩人日前從菲律賓旅遊回港，他透露已與女兒趙式芝（Gigi）食飯，但Gigi未有帶「老婆」楊如芯（Sean）一同飯敍：「得佢一個嚟，唔識佢啲朋友。」他又稱新一年唔恨抱孫：「生唔生仔佢自己揸主意，結唔結婚都冇所謂，佢開心就得。」
張繼聰自嘲年紀大，但落場打波時狀態大勇。
趙世曾與女伴Lena剛從菲律賓旅行返港。
