小儀撞啱心水即表白

現年42歲的阮小儀昨日出席新春活動時表示，大年初二往拜年兼逗利是，仍未脫離單身行列的她自嘲親戚已放棄催婚：「廿幾歲時仲會催，但依家大家都心照，知道我呢行未必有時間拍拖。」問到是否已過了多年單身情人節？她笑說：「咁又唔係好多年！依家身邊都有好多單身男士。（介唔介意女追男？）唔介意！依家咩年代，見到啱心水就會表白，自己都試過女追男成功。」

另外，DJ好友朱薰在住宅平台燒烤時被鄰居投訴滋擾，當日在場的小儀解釋：「我哋用咗環保炭，真係冇咩煙味！我返到屋企除件衫都冇BBQ味，加上我哋真係唔嘈，入夜後都返入屋傾偈。」