李亞男冧祖藍5,000蚊投車牌「handela」

有人苦無伴侶，有人卻甜到漏！昨日與性感女星黃榕及王璐瑤為婚紗騷行貓步的李亞男透露，情人節當日開工度過，男友王祖藍當時亦在飛機途中，昨晚才能與男友及電視劇《老表，你好嘢！》一班演員吃飯，希望可參演續集。提到情人節禮物，她坦言仍未收到祖藍的禮物，恨收由他親手製作的禮物，自己則成功投得「handela」車牌給男友作情人節禮物：「我今日Bid到個車牌，係朋友幫我，Bid咗5,000蚊！冇人舉手。」而王璐瑤則表示剛返家鄉過年，被親戚追問何時結婚，又為她安排相睇飯局。她透露其實早前遇到一位心儀的男生，但對方竟在情人節「放飛機」，令她大感失望。

至於祖藍昨日出席另一活動時派雙封利是，但否認已秘婚。有指《老》劇添食，問到可會推薦女友拍劇，他說：「依家已經好多是非，如果再做呢啲動作會更多是非，但如果大家OK，都唔排除呢個可能性，睇番有冇適合嘅角色，唔啱唔會推佢去死。」他透露新劇會講述社會矛盾，又承認該劇帶挈了很多人。