高海寧肯閃婚引仔溝

這邊廂王祖藍Sweet派雙封利是過年，那邊廂三大女神高海寧、岑麗香與苟芸慧卻要在情人節守「Dry」！乾到龜裂的三位女神為擺脫單身，公開列出擇偶條件等愛，觀迎有意之士熱烈追求！

女神是寂寞的。無綫三大女神高海寧（高Ling）、岑麗香與苟芸慧（苟姑娘）亦不例外，剛過的情人節只能Lonely地過，印證愈靚女愈冇人追的道理。現年26歲的高Ling入行愈耐人愈Dry，即使在家擺下桃花陣催愛情運，最終依然得個吉，前晚為賀歲片《2013我愛HK恭囍發財》謝票時，寂寞難耐的她竟發表徵男友宣言！

被問到情人節怎樣過？高Ling嘴扁扁說：「冇去街！雖然有棵大桃花，仲好多花冧但都冇開，所以唔敢對愛情抱太大期望，我亦唔敢同男仔出街，驚畀人誤會，因為我係一個唔識Say No嘅人！」說到此處，高Ling化傷心為力量，公開表示想拍拖：「真係想搵男朋友，Dry咗咁多年，入行到依家都冇拍拖，其實我擇偶要求唔高，只要對我好同錫我就得，好多人都以為我好多人追，相反係人哋唔敢追我，同啲男同事講都唔信！」愈來愈激動的她還揚言隨時閃婚：「我係一個傳統嘅女仔，但遇到個啱嘅，閃婚都唔介意，只可惜搵個好男仔同我開始都好難！」雖然恨拍拖，但高Ling依然懂得保護自己，行到旺角街頭謝票時為免人多擠迫發生意外，全程醒目做恭喜發財手勢，既應節又能護胸，一舉兩得！

岑麗香：最好唔好窮

至於今年7月便踏入30歲的苟芸慧同樣開出擇偶條件，雖是出名靚女，但她絕不貪戀靚仔，接受電話訪問時說：「雖然真係幾Dry，但我希望第日個男友只要係孝順就得喇！最好係基督徒，對我要上心，佢唔一定要高過我，亦唔一定要靚仔，最緊要係有內涵，內涵更勝一切。」

反觀另一女神、現年28歲的岑麗香卻認為單身都可以活得精彩，自言不怕被寂寞凌遲！她昨日出席活動時容光煥發，當被問到情人節怎樣過時只說：「同全部女仔朋友食飯傾偈！」她還死撐冇男仔約都冇所謂：「冇人約呀！不過唔Lonely囉！」雖然工作至上，但香香心目中依然有一堆擇偶條件，她接受電話訪問時說：「感覺好緊要！希望拍拖可以做番自己，唔扮嘢！就算我發脾氣，男朋友都可以同我分擔，最緊要錫我屋企人，同我想法一致，最好唔好窮啦！不過如果同我夾，都唔怕同佢一齊努力嘅！」

無綫咪神高海寧（26歲）

三圍：34D、22.5、34.5

女神煞食招：「無綫咪神」加上不足23吋的誘人纖腰，順利上升神枱。高海寧多次在節目賣大包，如穿超低胸緊身衣飄移巨胸及着三點式浸泥漿浴，噴血度爆燈！

氣質女神苟芸慧（29歲）

三圍：34C、25、35

女神煞食招：有「氣質女神」之稱，皮膚白滑兼身材豐滿，加上一副純情樣子，成功引死宅男！苟芸慧曾在劇集中穿低胸裝色誘謝天華車震，殺傷力即時上升。

透Bra女神岑麗香（28歲）

三圍：33C、23、33.5

女神煞食招：外表嬌柔清純兼身材均勻，夠Pure又True。岑麗香憑劇集中T-shirt濕身透Bra造型而極速爆紅，同劇又曾脫Bra色誘錢嘉樂，睇到觀眾眼都凸！