李泳豪昨日就被報道屈他育有一名兩歲女兒一事，在微博鬧爆有關雜誌，他說：「明明佢哋好清楚係我朋友個女，點知出到嚟都要寫係我個女，咁使乜問我？我覺得好卑鄙，依家同律師商量，一定追究到底！」他自言一向光明正大，結婚生仔一定會公開：「有BB係開心事，為乜要隱瞞？況且當年思琦咁大件事，畀人日跟夜跟，如果真係有個女點會冇人知？一早畀人踢爆咗啦！作得就作！」
李泳豪認為失實報道屈得就屈，相當氣憤，揚言會採取法律行動。（資料圖片）
