陳嘉桓扮靚引「裙」下臣

習詠春的藝人陳嘉桓原來亦是舞獅能手，趁蛇年舞獅又擊鼓的她表示，不擔心習武會變「男仔頭」，因為她一向愛打扮，更會穿裙子扮靚！

武功底子不錯的陳嘉桓（Rose）在蛇年騷Quali！Rose穿着一身中式服裝舞獅又擊鼓，似模似樣，她希望藉着醒獅，寓意新一年新開始，擊鼓則寓意趕走衰氣！她說：「我之前學過舞獅，為咗2011年1月1日破世界紀錄而學，可能因為學開功夫，對醒獅都有興趣。」她坦言醒獅有一定難度：「因為女仔嘅體力有限，獅頭好重，舞一陣真係要抖！」

不過現場見她舞獅時有姿勢有實際，一點也不像弱質女流。問到可會擔心練武令形象變得「男仔頭」，嚇怕追求者？她笑言不擔心，認為習武主要為強身健體，而且她平日愛穿裙及扮靚，故不擔心嚇走異性：「習武又可以保護自己，因為我住得好偏遠，有武功底子，可以打色狼，唔使屋企人擔心！」

桃花運隨緣

肖猴的Rose透露，於蛇年犯太歲，她聽說犯太歲會特別有好事或壞事發生，她當然希望有好事發生！對於新年願望，她認為最重要是健健康康，因為健康是錢買不到的。問到會否想行桃花運？她笑說：「慢慢等吓啦！呢啲可遇不可求，一切隨緣。」