Bobby ICU醒番舒服到唔想轉房

歐陽震華（Bobby）日前因急性肺炎入院，昨日還在灣仔律敦治醫院深切治療部（ICU）留醫，Bobby太太傅潔嫻昨晨到醫院探望，至中午離開。問到Bobby的情況？她說：「OK，佢冇乜事喇！老公健健康康出番嚟，就係情人節最好嘅禮物。」而Bobby經理人Lydia補充：「佢精神好好，但未落得床，未食得嘢，吊緊鹽水，醫生話要留院一星期，原本可以轉病房，但普通病房冇位，所以要繼續留喺ICU。Bobby清醒後話ICU好舒服，唔想搬喎！」Bobby孭飛的《情逆三世緣》監製莊偉健昨日表示，現在由替身代拍Bobby的戲份，待下月初再到佛山拍外景。同劇演員郭政鴻說：「佢醒番真係鬆口氣。」而關詠荷曾見過他面青標冷汗，擔心其健康出問題，她說：「等佢出院會叫佢做身體檢查。（Bobby令煞科受阻？）最緊要人冇事。」至於同劇演員敖嘉年及朱晨麗均希望Bobby早日康復，對於停廠的影響，朱晨麗說：「我OK，仲可以趁機會接商場騷！」