吳彥祖食店發大搞

將於6月榮升父親的吳彥祖，其壽司店將擴充業務，變成全新概念日式餐廳，向飲食大亨之路進發！看來囡囡尚未出世，已為他帶來好運！

蛇年伊始，竟傳出型男吳彥祖（Daniel）及Angelababy（楊穎）分別投資的兩間餐廳暫停營業！Daniel的壽司店及Baby的Cafe分別與《全城熱戀熱辣辣》導演陳國輝合資，同位於銅鑼灣一個商場，毗鄰而設。記者昨日到現場查證，發現兩店均張貼了「本分店將營業至2月19日」的告示，惹來結業疑雲！本報就此事致電Daniel，其經理人回應：「唔係結業，係轉型。（繼續賣壽司？）賣住關子先！」

下月陪Lisa外遊

而老闆之一的陳國輝接受電話訪問時說：「我哋要將佢變大舖，因為兩間餐廳係同一個集團，會喺嗰度開全新概念嘅日式餐廳，因為第二度搵唔到咁大地方，預計3月初開幕！（放棄咗兩間餐廳？）老闆一樣，Daniel有份，不過Baby冇份！（Baby同Daniel都知？）大家都知，好耐之前決定！」換句話說，即Daniel的壽司店擴充業務，有望成為飲食大亨。將於6月榮升爸爸的他，看來囡囡勁好腳頭！而Daniel老婆Lisa S.身在香港安胎，計劃下月到南非旅行1個月過二人世界，然後返港待產。

baby cafe有2.0版

另外，陳國輝透露5、6月間，新版本baby cafe將開幕，屆時會加入新菜式。他強調原先的兩間餐廳均有盈利，但預計全新概念店將會賺更多。兩間餐廳所屬集團回覆：「餐廳員工可選擇在新店或其他分店上班，目前旺角及尖沙咀分店照常營業。」