「筍盤」陳智燊畀女圍

昨日是情人節，曾傳緋聞的陳智燊（Jason）與宋熙年不避嫌着上粉紅色情侶裝，為明珠台宣傳情人節活動。雖有「女友」在旁，但被視為新一代「筍盤」的Jason，於戶外宣傳期間大受現場女士歡迎，更被重重包圍。

無綫藝人陳智燊（Jason）、宋熙年、黃德斌及港姐黃心穎昨日趁着情人節，特別到尖沙咀鬧巿為明珠台宣傳情人節活動。他們更應節大派紅玫瑰花及朱古力，兩位猛男Jason和黃德斌沿途遭女士包圍夾擊，更有熱情Fans拉着他們雙手尖叫。

向新人送禮食檸檬

被視為新一代「筍盤」的Jason，曾和宋熙年傳緋聞，他倆昨日不避嫌齊齊穿上粉紅色情侶裝，已經有女「認頭」的他坦言被市民熱烈包圍嚇親：「真係有啲驚！冇諗過咁瘋狂！（有冇被『抽水』？）咁又冇，係有啲亂。」

在英國長大的Jason表示，讀書年代曾試過追女仔卻「慘食檸檬」。他昨日與無綫攝製隊欲向一對新人送上價值3.8萬港元禮盒，也一度遭新郎哥請食檸檬，要經工作人員解釋才得以順利拍攝。Jason完成活動後趕與黎耀祥及陳豪拍劇，未有和「舊拍檔」宋熙年共度情人節。而黃德斌則與女友共度二人世界，他說：「女友冇催我結婚，我就更加唔敢催，如果結婚一定講畀大家知，唔會收埋。」