湯怡情人節約會睇洪卓立頭

洪卓立（Ken）與緋聞女友湯怡及BOYZ昨日出席賀年活動，吸引不少歌迷到場吶喊，Ken與湯怡大方一同受訪，問到情人節有否約會？湯怡望一望Ken才說：「冇！我要拍劇！」記者即叫Ken約對方，他滿面通紅說：「我要錄音呀！」問到是否準備了神秘禮物？他有口難言說：「冇！大家都要開工。」但兩人又不時互望冧笑！而BOYZ近年分開發展，主攻內地的關智斌坦言未夠錢買樓，卻又豪氣地說：「依家啲樓咁貴，冇幾千萬點住？」並透露日前向老闆楊受成拜年：「好開心，逗咗五位數字利是。」而拍檔張致恒表示剛簽了無綫兼收到6千元大利是：「係演員合約！」