馬國明開工受Bobby影響

適逢39歲生日的馬國明昨日出席商場賀年活動，獲大批Fans送上蛋糕及禮物，還被催促早日覓得真命女友，令被封為「筍盤」的他尷尬傻笑兼頻頻抹汗，貫徹「O嘴萌男」本色！他會與家人食飯慶祝，卻沒有緋聞女友朱晨麗份，並笑言父母未催婚：「視帝同女朋友都係隨緣，最想都係今年買到樓，講咗相當耐都未實現。（想要咩Dream House？）我屋企有7個人，加埋姨甥仔放假過嚟玩，當然要地方大啲住得舒服。」他原定日內復工開拍《On Call 36小時II》，卻因歐陽震華（Bobby）或需延後，他說：「原本我哋個廠期係接Bobby套《情逆三世緣》，依家唔知會唔會延遲，希望Bobby早日好番，最緊要大家都身體健康！」