寸劉謙唔嗲唔吊李蘊煮大餐氹新歡

李蘊今年與金融才俊男友羅章冠第一次過情人節，日前專誠學煮情人節大餐，雖然她不期待男友送驚喜，但大爆對方很有心思︰「上次聖誕節我一個人喺屋企整嘢食，佢放咗工返到嚟就拎住紮花，但我心諗點解聖誕節送花嘅？其實佢唔係一個會預先諗定送咩畀你嘅人，但佢會突然間送嘢畀你。」她又暗寸舊愛魔術師劉謙對她愛理不理，又指現時才感受到戀愛：「第一年有男仔真係同我過，好期待，因為之前嘅情人節我都唔當係一個節日，因為有情人節等於冇情人節，所以冇乜驚喜。」

此外，李蘊與李曼筠前晚擔任魔術表演嘉賓，李蘊表示未有為男友作特別準備，談到日前有傳前男友劉謙被人掌摑，問到有否聯絡對方時，她說：「我已經冇佢電話。」而李曼筠則表示想與國語男拍拖：「順便可以練吓普通話。」