JJ炮製心形蛋糕
女星賈曉晨（JJ）去年與武打影星樊少皇撻着，愛情至上的JJ日前約師妹蔚雨芯（Rainky）學整情人節心形蛋糕。原來JJ向來不擅長整甜品，但在導師Angela指導下，最後也成功整到靚靚蛋糕！JJ笑言不會準備情人節禮物，會等男友送驚喜，甚至希望對方炮製大餐，問到想收甚麼禮物？體貼的她即為男友荷包着想：「收咩都冇所謂，有心意記得就得，唔使太貴重，更加唔好送樓，我靠自己都買到！最好係食咗佢，一係擺喺度可以望到嘅嘢，有番啲回憶。」問到樊少皇是否浪漫男友？她即甜笑拒答，一切盡在不言中。
19歲的Rainky則幻想將來有個浪漫情人節：「之前都冇咩難忘經歷，我最想第時同男友出國旅行。（恨收花？）咁我寧願要實際嘢。」
JJ經過一番努力，終於成功整到心形蛋糕。
JJ（左）與Rainky將食材倒入心形器皿。