基仔送禮摸清Lorraine心意
為慶祝情人節，古巨基日前偕兩對緋聞情侶洪卓立與湯怡、張致恒（Steven）與鍾舒漫，以及洪杰與英皇新人許靖韻等合力炮製Cup Cake，其中基仔的Cup Cake畫上哈哈笑，記者笑問為何不寫上緋聞得力助手Lorraine的名字，基仔即四両撥千斤說：「今日喺《都市閒情》學整Cup Cake啫！」記者笑問不願上鏡的Lorraine想要甚麼，她爽快地說：「佢一定諗到o架啦！」基仔即笑指對方「中伏」：「咁即係話我會送嘢畀你啫！」
基仔自言愛玩即興浪漫，更自爆有年情人節送上豆腐花給舊愛，對方撒嬌罵他「好衰」並打他心口：「之後我就攬住咗佢喇！呢啲都係一種浪漫啦！」
蜜運中的基仔，開心到連蛋糕都識笑！
基仔率領師弟妹整Cup Cake，過一個甜蜜情人節。
向來頑皮的基仔（左）邊整邊玩，而洪卓立則一臉認真！
Steven與鍾舒漫非常合拍，蛋糕款式亦相似。
