連詩雅 新牌仔求平安符

穿短裙騷長腿的連詩雅、陳僖儀及組合As One等，昨日一同出席新春活動，連詩雅表示新年要求平安符：「啱啱考到車牌，好危險，練車好驚刮花人架車。」肖龍的她透露有相士指她桃花旺：「我想有多啲好際遇，其他嘢唔諗住。」對於「緋聞情敵」鍾浠文大晒周柏豪送的台灣手信，她說：「柏豪返嚟有同我哋食飯，人人都有份！（佢哋拍緊拖？）以我所知就冇。」

陳僖儀則自爆想作歌逗老闆黃柏高的大利是，提到《好報》拍到同門「一姐」薛凱琪（Fiona）夜蒲時，她強調公司沒有下「禁蒲令」，並力撐對方說：「都係夜晚出街飲杯嘢，Fiona鬼妹仔性格，唔通叫佢飲茶咩？」