超雲超蓮搵平民小食

逛年宵是新春「例牌」活動之一，何家三房千金超雲及超蓮亦往「趁墟」，體驗「平民化」小食！而性感女星Naomi不但湊熱鬧逛年宵，更落力幫朋友叫賣咕o臣，乘機吸取生意經，十分有腦。

今日大年初一，相信不少名人明星已經收爐迎接蛇年。前晚賭王何鴻燊三房千金超蓮和超雲於微博上載逛年宵的照片，不過未見超雲男友陳山聰同行。雖然貴為何家千金，但二人亦鍾情平民小食。超蓮透露最愛懷舊小吃麥芽糖餅乾，更與家姐拿着戰利品合照上載微博。至於超雲收穫豐富，購入特大吹氣「雞蛋仔」，更作狀咬一啖！

樂瞳變「沙甸魚」

早前宣布回復單身的藝人龔嘉欣亦不愁寂寞，前晚於微博透露相約好姊妹姚子羚逛年宵，她們更拿着戰利品合照。樂瞳則在年宵買了增強愛情運及觀眾緣的桃花和吹氣公仔，不過她表示因現場人頭湧湧而變了「沙甸魚」！藝人鄧萃雯亦特別抽空支持在年宵擺檔的朋友。

另外，性感女星馮鎵瀠（Naomi）早前逛年宵時，吸引不少市民舉機拍照，她亦友善地照單全收，還走到友人賣「魚蛋燒賣」咕o臣的攤位幫手叫賣，「埋嚟睇埋嚟揀」嗌破喉嚨，成功吸引不少男顧客幫襯，她說：「我有份投資嘅公司都推出咗T-shirt，今次嚟幫手，就當學吓做生意，希望新一年我嘅T-shirt都可以大賣！」其後Naomi更特別挑選桃花，並指媽咪會幫忙買桃花，希望她與哥哥都能早點成家立室。