難追火熱樓價 黎耀祥焗租屋住

三奪「視帝」的黎耀祥一改往年到美加登台的習慣，新一年留港度歲，希望可多留時間陪家人：「之前冇一年喺香港過，去親外地都要五日，時間又趕，今年可以同哥哥、姐姐食飯聚吓，輕輕鬆鬆休息吓。」密密賺的祥仔曾表示想換獨立屋，但因追不到樓價而與太太決定租屋住：「要買就好似追火車咁，追極都追唔到，我哋商量後有個念頭，就係租複式獨立屋，老婆都睇緊樓，七、八萬一個月租應該都可以。」

問到是否捨得出售正居住的風水樓，他笑說：「啱價咪賣囉！但我哋又唔急，事關就算賣咗有舊錢，我哋都唔係好識投資！（旺你？）我本身個人都好好彩，啱啱我去攝太歲，個阿姐話撞正今日好日！（上年犯太歲你都咁好運？）我上年揸車都爆咗幾次胎o架！」