林欣彤餓蛇難忍口

歌手林欣彤（Mag）、緋聞男友羅孝勇及胡鴻鈞、馮允謙與吳業坤一班巨聲幫兄弟，新春相約吃團年飯。Mag早前受聲帶及情緒問題困擾，最終在蛇年前解決，自然值得慶祝！其他巨聲幫則大爆新年趣事，氣氛融洽！

猶如一個大家庭般的《超級巨聲》人才輩出，林欣彤、吳業坤、胡鴻鈞（Hubert）、羅孝勇（Sheldon）、馮允謙（Jay）、周志文及周志康向來有如兄弟姊妹般親厚，他們趁新春相約食飯齊賀踏入蛇年，期間一班人雞啄唔斷，場面熱鬧！

羅孝勇「睇」錯祖母

早前受聲帶及情緒問題困擾的Mag，現已完全康復，令她非常感恩：「蛇年最大願望係身體健康，入行至今身體真係差咗好多，所以真係要好好珍惜！（新年戒口？）唔會呀！媽咪整咁多好嘢食，忍唔到口！」

談到兒時過農曆新年的趣事，Sheldon即主動舉手話「有嘢爆」：「以前祖母會封100元澳幣（約800港元）畀我，但我成日都覺得佢冇錢，所以叫佢畀5元澳幣（約40港元）我就算，但依家大個咗先發現佢原來都幾有錢，真係Oh No！」Sheldon說罷即令全場人捧腹大笑。

大細孖「賀年鬧鐘」

至於大細孖周志文及周志康則透露每年都會被另類方法叫醒：「朝早十一點嗰陣，爸爸就會開行喇叭播賀年歌，通常我哋都會喺床碌多一陣先起身！」而最愛拜年的Hubert說：「覺得新年係大人每年一度嘅聚會，而且係一件開心事嚟嘅！」