蛇媽Lisa S.佗B迎接三人世界

與JC同是混血名模的Lisa S.跟名媛何倍倩同樣佗蛇B慶新年！懷孕6個月的Lisa因佗BB令平胸升到D Cup，她說：「重咗30幾磅，新年留港休息，Daniel（老公吳彥祖）喺香港拍緊戲，呢個新年係最後一次二人世界喇！我哋隔一年左右就會追第二個，想快啲完成生BB嘅計劃。」她又透露等BB 5歲大，她會定居美國，而Daniel則會香港美國兩邊飛，因為在美國她只是普通媽媽，沒有傳媒報道。

至於已有一子的何倍倩（Anina）佗龍鳳胎蛇B感驚喜：「真係覺得非常意外！我哋家族冇人生過孖胎，今次仔女有齊，可以收工！」她表示新年會留港跟家人四處拜年：「我會幫囝囝儲起利是錢，之後再教佢點用。（怕唔怕囝囝呷細佬妹醋？）我會幫肚裏面嘅BB買定禮物，等佢哋一出世，我會替佢哋送禮物畀哥哥。」她的新年願望是家人身體健康，因只有健康才能有動力實現其他願望，更祝願各讀者新一年也身體健康，心想事成，蛇年進步！