靚靚花都人畫合一孖Chilam遊羅浮宮Art味濃

臨近新年，不少藝人紛紛到外地旅遊，乘機充電，有些會三五成群結伴，希望愈多人愈熱鬧，亦有些喜歡靜靜地過二人世界，日本和韓國都是他們近期的旅遊熱點！

袁詠儀（靚靚）與老公張智霖（Chilam）郎才女貌，天生一對，結婚逾12年仍恩愛非常。兒子魔童出世後，兩人婚姻家庭更幸福美滿，故被譽為圈中模範夫妻。

早前Chilam趁空檔忙裏偷閒，與老婆忍心撇下愛子魔童，一同出國到法國巴黎展開浪漫之旅，靚靚更在微博大晒與老公參觀羅浮宮的照片。相中Chilam在羅浮宮前Chok爆憂鬱樣，未知是否太想念兒子魔童？靚靚化身羅浮宮粉絲，站在巨大壁畫前留影，心情靚爆的她留言：「好宏偉！去完羅浮宮，好像多一點點藝術氣質。」其後更有網友盛讚靚靚勁有氣質，好像與該畫融為一體般。這程幸福之旅眨吓眼就結束，臨走時靚靚在亮了燈的巴黎鐵塔前拍照，非常有Feel！網友都大讚攝影師Chilam影得好。