萬綺雯硬食回力柑

藝人王祖藍、郭晉安和萬綺雯（蚊蚊）等昨日為劇集《老表，你好嘢！》到街頭派賀年柑答謝觀眾支持，有人貪玩將柑扔回，蚊蚊不幸遭殃「中頭獎」。而劇集高收令無綫決定添食，乘勢宣布加開續集並開拍電影。

藝人王祖藍、郭晉安、萬綺雯及一眾《老表》演員昨日現身尖沙咀鬧市，「老表」出巡吸引逾百市民圍觀，有內地旅客亦認出老表，企定定看熱鬧。而一眾演員為報答觀眾支持而鞠躬致謝，又趁過年前大派賀年柑，途人為「柑」瘋狂爭相搶奪，期間竟然有人貪玩扔回，可憐蚊蚊硬食「頭獎」，場面極度混亂。幸好蚊蚊未有損傷，更笑指一身「柑」味：「佢扔到啲汁都出埋，好彩我都食過夜粥冇事，當『中頭獎』囉！」

祖藍驚喜拍續集

大夥兒於宣傳後到附近的酒家聚會，監製黃偉聲突然宣布：「啱啱收到電話，公司決定落實開拍《老表》續集同電影。」眾演員拍手叫好，期待再續前緣，黃偉聲同時表示因檔期問題，最快亦要年中方能拍攝。而有份創作的王祖藍對開拍續集既驚又喜：「喜係證明公司支持我哋，驚係要再諗二十集劇集，要同啲編劇傾吓。」他明言無懼再與編劇傳不和，表示今次合作過程愉快，只是有少數其他聲音。他又透露在拍攝《老表》前獲公司提點，叮囑太敏感的題材不要做，亦有專人過濾。另外，王菀之笑指拍續集要加錢：「我都冇話接，要乘機坐地起價。（可唔可以分身參與續集？）希望就到大家啦，我始終都係一個歌手。」

另外，鬼妹陳明恩（Corinna）因劇集《老表，你好嘢！》人氣急升，一直熱愛唱歌的她推出新歌《異種》一嘗歌手滋味，能迅速令人熟悉全因王祖藍找她參演劇集，所以她已視祖藍為恩人。