小方爆Stephy水頭充足

歌手方力申（小方）與樂隊Mr.成員Dash昨日出席年宵攤檔活動，為老友打氣。對於有傳與女友鄧麗欣（Stephy）築愛巢，小方只承認女友搬新屋：「佢係有新居，不過係租嘅！（你分擔租金？）冇，佢大把錢！（同居？）唔係，我同屋企人住！（有冇上過去同佢過夜？）唔話畀你哋知！」

另外，對於曾與多位巨星合作的著名攝影師Leslie Kee因涉嫌販賣不雅刊物，在東京被警方拘捕，小方說：「啱啱內地返唔知，藝術嘅嘢離不開坦蕩蕩，之前都幫過佢影嘢，佢知我當年游水，叫我着番比賽嘅泳褲影相。」