張名雅賣命魔術傷腿

視帝黎耀祥（祥仔） 、應屆港姐張名雅、黃心穎、朱千雪及魔術師李行齊前晚錄影賀年節目《TVB新春黃金慶典》，於西九海濱長廊表演魔術，五人雙手被鎖坐在台上，要火速逃出火海！黃心穎嘆環境因素令表演難上加難：「今日咁大風，又有你哋喺度，都有啲壓力！（畀火『彈』到？）好驚！『彈』到少少，我哋都嗌咗！」而張名雅則上載一張因魔術表演而弄傷腳的照片，並表示收到獲派花紅的通知：「幾多都好，係意頭！」

無綫今日大開水喉派利是及花紅，對於合約藝員較簽部頭約的多，祥仔說：「好彩簽咗合約藝員！希望公司增設腳底按摩服務！（還騷問題？）我唔使還騷，通常拍一套劇都夠！」有傳無綫邀「九大帝后」回巢拍劇，祥仔不怕地位不保：「多啲外援前輩返嚟幫手，對後輩好有幫助！我個個都期待合作，周潤發同黃秋生都係我好仰慕嘅前輩！」