邵音音爭女配 叫DaDa「讓賽」

女配角方面，陳靜（DaDa）憑《低俗喜劇》繼台灣金馬獎後再獲提名，硬撼同片前輩邵音音、范曉萱、金燕玲及江一燕，音音姐竟在微博叫DaDa「讓賽」：「你仲後生呀！唔好同我爭啦！」DaDa接受電話訪問時笑言「唔敢爭」：「我有得提名已經賺咗，今次一定唔係我，努力多幾年先！」男配角提名則包括鄭中基、林家棟、廖啟智、杜汶澤及萬梓良，昨日鄭中基及林家棟擔任記者會司儀，互相推舉對方為大熱，鄭中基笑言女兒旺他。問到早前贏得金馬獎男配角會否增添信心？他笑說：「就係問過大會，佢哋話攞咗冇o架喇！」而第三度提名的家棟表示已學會調節心情。