做君如接班人欣宜自誇氣質指數飆升

鄭欣宜前晚現身首映後派對，獲曾志偉大讚有潛質成為吳君如接班人，她聞言興奮不已，笑指向來欣賞君如，認為她愈來愈有女人味，又笑言如能「接班」即代表自己亦漸有氣質。

問到造型是否以亡母沈殿霞為藍本？欣宜說：「冇特登，只係戴咗眼鏡同Set起個頭就似。（話你肥唔開心？）唔會，呢個世界有唔同聲音，咪用唔同角度去睇，如果唔肥都做唔到今次角色啦！不過嚟緊出第三集碟，所以都減緊。」早前她與曾爆緋聞的許廷鏗，聯同星煥歌手吳若希、胡鴻鈞、樂瞳及Super Girls等齊集錄音室錄賀年歌《喜氣洋洋》，鍾嘉欣與謝安琪則因工作沒有同場，唱片公司老闆何哲圖探班，眾人齊聲表示期待新年收大利是。