志偉讚大進步推舉子珊爭影后

曾志偉與返港宣傳的葉玉卿前晚欣賞賀歲片《2013我愛HK恭囍發財》首映後，拉大隊現身派對，心情High爆的志偉滿場飛，透露特別坐戲院前座，以留意觀眾反應，他大讚徐子珊及鄭欣宜演出令人刮目相看！又爆譚詠麟看到飾演自己後生版的黃宗澤向子珊的求婚戲，忍不住流淚。志偉續讚子珊即使奪不到影后，亦能憑此片提名：「真係做得好，我睇完片傳咗段好長嘅短訊畀佢，因為睇到真係有進步，直頭可以入去『識做戲』嘅行列。（之前唔好？）有參差，依家收放自如。欣宜如果可以放低身段，係可以做吳君如接班人，卿卿就因為唔多戲，所以排第三啦！」

卿卿對於「排位」不及後輩，自嘲演出不夠好，亦認子珊搶戲。她亦承認有戲癮：「不過現實生活做唔到，老公唔畀！」對於被前輩大讚，子珊接受電話訪問時說：「好多謝佢哋！每次總覺得自己仲有要改善嘅地方，所以我會繼續努力。」