Naomi做紅娘硬Sell黃榕

性感女星黃榕、Naomi（馮鎵瀠）、徐少強兒子徐偉棟及新女子組合FFx前晚出席酒吧騷，當中黃榕穿上印有其肖像的Tee恤任男Fans剪爛，但Fans怕醜動作變得慢吞吞，場面搞笑！適逢偉棟30歲生日，眾女為他慶祝，Naomi笑言將黃榕當成禮物送給好友，令兩位當事人頗為尷尬，黃榕說：「其實我都有好多追求者o架！」偉棟則說：「Naomi咁耐都未試過介紹女仔畀我，都開心嘅！但我暫時唔想拍拖住。（覺得黃榕點？）幾Friendly，但要睇感覺，好難一見鍾情。」

此外，提到陳偉成（Avis）與周秀娜分手，黃榕戥二人可惜，並力撐好友Avis，但其後又說：「男人嘅嘢好難講，好男人真難搵。」