姚子羚寸鄧健泓花心

姚子羚與龔嘉欣老友鬼鬼，眼見對方為情消瘦，子羚當然心痛，前晚她出席活動時透露有介紹男仔給嘉欣認識，寄望對方能早日展開新生活，談到有指張嘉兒成為嘉欣與鄧健泓（Patrick）分手的導火線，子羚即暗寸對方花心：「Patrick係靚仔，識佢咁耐都好幫朋友。（咁係咪一個好男友？）我冇同佢拍過拖唔知，係好細心，但佢呢排唔鍾意食排骨，鍾意鋸扒！」同場的陳煒對於在劇集《法網狙擊》三點式泳衣令人印象深刻，她笑指老公亦讚她造型索過真人，更因劇集效應多了不少賺外快機會，一個月有6位數字進帳。煒哥又否認與田蕊妮與萬綺雯不和。