來港督導新作奇洛陪華哥配音1粒鐘

對東方藝術文化情有獨鍾的奇洛李維斯，籌備及拍攝新作《太極俠》數年，預計本年暑假正式出籠，刻下只欠部分後期配音尚未竣工。他昨午專程由北京來港督導相關工作，約2時40分，以西裝褸襯灰色Tee的奇洛，在眾工作人員陪同下步出機場抵港大堂，一行人足足有三車行李，期間奇洛與女工作人員邊行邊雞啄唔斷！

其後，眾人分別登上三輛車，直駛往銅鑼灣方向，抵達入住酒店Check-in，稍作休息又再出動，驅車往觀塘區一工廈，未幾再發現任達華上樓。約1小時後，華哥離開時說：「我要配番其中一句對白，因為拍嘅時候有少少雜音，我配5分鐘，奇洛陪足我1個鐘。我問佢點解唔剃鬚，佢話因為工作忙。」據悉，華哥曾想宴請奇洛，可惜因對方工作緊密而被迫取消。據悉，奇洛此行在港逗留約7至10日，而他來港前已先於北京完成部分錄音工作，演員陳虎臨別依依，與奇洛合影留念。