森美失平衡頻炒車

藝人森美和毛舜筠昨日出席《維特健靈慈善單車馬拉松2013》，第二年參加此活動的森美表示，去年踏單車時因天雨路滑而跣低：「我隻手嘅傷痕仲喺度，今次架單車係問保長（許紹雄）借嘅，佢連私家車都鍊得贏，我今次實贏啦！」他自爆左右腳用力不均，故踏單車經常跌倒，笑言患了「森美不平衡」症，問到有否做足安全措施？他即搞笑反問：「你話下面（下體）？冇呀！應該唔會一踩就有丸癌啩！」

毛舜筠被問到有否留意林峯與吳千語的緋聞時說：「咩呀？結婚呀？（千語特登請假睇林峯個唱！）佢可能係請假做嘢，順便去啫！（如果佢哋一齊，開心？）個女（千語）同邊個一齊都開心。（傳佢哋同居？）係咪真o架？查清楚啲先講啦！（佢哋襯唔襯？）佢哋都好靚仔靚女。」