陳國邦獲無綫斟續約

陳國邦昨日偕老婆羅敏莊（MiMi）及黃浩然出席《公共屋邨歲晚清潔大行動》，早前MiMi公開指老公未獲無綫重用傾續約後，前日公司已主動跟他洽談：「公司睇完報道後好快行動，傾緊之後嘅合約。（有好條件？）我重視發展機會，就算畀好多錢，但冇嘢做都係浪費時間。」

對於前無綫藝員夏雨及苑瓊丹斥無綫苛刻，陳國邦力撐公司：「區生（無綫高層區偉林）都有公開講有番花紅，仲話畀啲時間公司慢慢改善。我都睇到有進步，好似還騷問題，聽講如果演員唔係推工作而欠騷，就唔使佢負擔；若果因為公司配合唔到、安排唔足工作，就唔可以怪佢。」他又指八月約滿的MiMi不續約毋須還騷，目前她亦全力工作，故不存在欠騷問題。