鍾嘉欣暑假開騷眼濕濕

鍾嘉欣昨日舉行簽唱會時表示新年願望最想開騷，有粉絲寫揮春祝她新年開個唱，更送上沒有日期的DIY超巨型演唱會門票，由唱片公司老闆何哲圖落筆寫上日期，令嘉欣夢想成真！

鍾嘉欣新碟《lovelovelove》奪白金唱片成績，昨日她穿花背心襯短裙出席大埔超級城舉行的《鍾嘉欣《lovelovelove》最幸福簽唱會》，吸引200名粉絲圍觀，而傳對她寵愛有加的唱片公司老闆何哲圖（Herman）亦現身捧場。嘉欣即席獻唱三首歌，並揚言新一年希望開個人音樂會和唱跳舞歌，在遊戲環節中，粉絲亦寫揮春祝願她蛇年開個唱。活動尾聲，粉絲送上印有嘉欣卡通肖像的攬枕，更自製一張巨型個唱門票，但日期一欄留白，最後由Herman寫上，承諾將於今年8或9月為嘉欣舉行個人音樂會，令她眼濕濕！

挑戰舞技 恨演奸角

問到是否受熱情粉絲感動？嘉欣說：「都感動咗好多年，我今時今日仲喺度唱歌，除咗要多謝公司，更加要多謝班Fans，我頭先都想喊，但我同自己講深呼吸頂住，當然老闆都好錫我！」問到Herman是否最錫嘉欣？他說：「我全公司都錫，同嘉欣合作最耐，由佢08年入行，5年嚟發生好多事，但一路睇住佢進步。（音樂會時間落實？）希望喺8、9月，仲Check緊期，但希望佢喺Mini Concert內唱跳舞歌。」嘉欣亦表示要挑戰難度才可令自己進步：「今年希望試啲以前會驚嘅嘢，好似跳舞同埋做奸角，雖然冇跳舞底，但我相信只要有心就會做到。」另外，嘉欣透露上一次回加拿大已是一年半前，希望農曆新年能返加國與家人度歲。事業大豐收的她笑言，準備利是的金額比以往多三倍。