謝天華輸凸畀欣宜

謝天華在賀歲片中既要給鄭欣宜啜腳趾，又要被炮仗燒褲襠，豈料拍攝時竟不慎燒傷肚臍！昨日他與欣宜錄影新春節目時又被對方的驕人身材搶風頭，即使他拉開衣襟露肉，也輸足成條街！

謝天華、徐子珊、鄭欣宜和呂慧儀等昨日到電視城錄影新春節目，順道為即將上映的賀歲電影《2013 我愛HK 恭囍發財》造勢。為配合新年氣氛，眾人穿上唐裝衫，但仍難掩欣宜的驕人身材，令站在旁邊的子珊睇到嘩嘩聲：「你身材真係好！」雖然天華與子珊分別拉開衣襟，一個露肉、一個露出肉色打底衫，但也不敵一個欣宜，認真失敗！

被啜腳趾前消毒

對於成為輸家，天華滿不在乎，表示會在電影中反勝對方：「因為欣宜會瘋狂追求我！（你要畀佢啜腳趾喎！）嗰場係純粹搞笑，娛樂成分高，唔核突嘅。（好大犧牲！）都係，拍之前都有用火酒浸腳，消毒咗先啦！」他又稱片中一場炮仗燒褲襠戲份，最終燒傷肚臍：「好在我撥得快咋，但係都燒到肚臍，搞到甩皮，搽足兩星期燙火膏先好番！」

同場的呂慧儀則表示農曆新年只有一日假期，但都很高興，更笑言不心急生B：「我覺得拍吓拖生活都幾開心，同埋屋企已經有條大蛇，所以等馬年先啦！依家奶粉又貴，唔通要餵人奶餵到兩歲咩？等有充足準備先要小朋友啦！」