朱晨麗等馬國明邀拜年

前港姐冠軍朱晨麗昨日出席商場賀年活動時透露，由於將會首次獻唱故心情難免緊張。提到不少TVB小花也曾獻唱，她說：「佢哋質素都好好！（高海寧試過走音？）我只係知佢唔記得歌詞，但有蝦碌證明係真唱啦！」忙於拍劇的她又指新春有三日假期，希望可返家鄉蘇州見家人；問到會否到緋聞男友馬國明家拜年？她驚訝地說：「點解呀？係都自己家人先，但如果有『同事』邀請一班人去，我都會參與！一個人喺香港孤獨啲。（見過馬國明家長未？）未呀！」問到新春願望，她稱是身體健康，因早前的背傷痊愈不久，前晚又因腸胃炎入院，此外還希望賺更多錢安排內地的家人來港居住。