對空櫈唱歌 鄭嘉嘉睇唔到觀眾

歌手鄭嘉嘉前晚出席九展音樂會，同場還有Super Girls等歌手，但現場反應平平，觀眾只得小貓三、四隻，出現大量空櫈。問到觀眾不足會否影響表現？嘉嘉說：「其實台上咁黑都唔係好睇到觀眾，當下面全部都係公仔囉！惟有做好自己唱好歌。」會否因此感到公司的宣傳力度不足？她說：「其實歌手喺網上發表宣傳都係一個渠道嚟嘅。」對於樂隊RubberBand將轉會成為同門，令她十分期待：「公司變得愈嚟愈壯大，希望有機會同RubberBand合作，之前喺公司撞到阿正都有話同佢打Band，因為我之前都係夾Band嘅！」