安仔撐祖藍冇傷和「戲」

郭晉安、王祖藍與萬綺雯等昨日宣傳新劇《老表，你好嘢！》，對於有指不滿祖藍不停改劇本而鬧不和，安仔受訪時力撐祖藍：「各人戲份好平均，肥妹同鬼妹係新人，所以角色要突出啲。我哋係靠演技去令觀眾有共鳴，套劇收視好，都係靠所有台前幕後嘅功勞。」萬綺雯亦說：「套劇出街反應好係意料之內。（你學生妹造型出街後畀觀眾讚清純可愛都係意料中事？）呢個唔係，我自己都有啲唔敢睇，但朋友打嚟話好好，我再上網第一次用myTV睇番嗰集。」在旁的安仔笑說十分有童年回憶Feel：「如果你當年拍嗰個廣告一定紅過嗰個女仔。」

另外，王祖藍對於日前女友李亞男露口風稱《老》劇收50點便立即下嫁，他笑言沒有可能：「50點？咁咪500幾萬（實數321萬）觀眾唔出街睇電視，冇可能！除非係沙士啦！」