盈盈享受佗BB望Keep住大肚

除了朱茵外，今年有不少星媽都排住隊生BB，其中已懷孕33周的湯盈盈昨日出席劇集宣傳時表示，已為腹中蛇女取名：「中文名嘉樂諗，英文名係我諗，係A字頭嘅，但出咗世先講，依家Keep住有做大肚瑜伽。」她又表示希望能夠順產：「未決定啊！因為嘉樂頭大，驚BB似佢頭大，唔知使唔使開刀，好彩佗得唔辛苦！大肚好開心，希望Keep住大肚。」

另一大肚女星蔡少芬（Ada）與老公張晉出席台灣節目錄影，她自爆因張晉練得一身好武功而對他着迷。身處台灣的她豪食麻辣火鍋及行夜市，未能出席叉燒包的百日宴，昨日上載側身剪影，雖只得黑漆漆的身影，但已明顯見巨肚！至於臨盆在即的周家蔚在微博大晒與老公洪天明的大肚寫真相，相中的她與老公相擁又捧肚，預告明日（28日）分娩！