朱紫嬈上電托起大三巴

歌手朱紫嬈（Khloe）早前打算與多位女同學來一趟泰國之旅，然而公司只批3日假期，她惟有「變陣」轉往澳門吃喝玩樂及觀光。她到了著名景點大三巴留倩影，並搞鬼地伸出手扮托起大三巴牌坊，隨後拉隊到手信街買手信，Khloe說：「行完手信街過咗隔籬一條古老街叫福隆新街，成條街都係紅色為主，好特別！（食咗咩好嘢？）蝦子麵同葡撻！」她揚言下一個目標是馬爾代夫：「其實講咗好幾年，因為冇長假放，加上唔想為去旅行推工作，希望今年有機會去。（浪漫地方要同男朋友去？）唔一定o架！馬爾代夫係陽光與海灘，其實同泰國冇乜分別，只係高級啲！」原來Khloe最常到台灣及泰國旅遊，她說：「假期唔多，得呢幾個地方選擇。」