LuLu入幼稚園教體育

o靚模仙樂都與王璐瑤（LuLu）聯同七位o靚模出席有線活動。影大合照時，仙樂都自動波踎低露打底褲搶鏡！LuLu則揚言電視台有意安排她去幼稚園教體育！

仙樂都、王璐瑤（LuLu）聯同7位o靚模，昨日穿上清一色紅色Tube Top襯短裙，跟尹光及岑寶兒宣傳有線高清娛樂台節目《7條事業線．食腦任務》。

搶鏡「蝕晒底」

仙樂都為了搶鏡，除與同場o靚模大玩俯身飲飲品勁騷事業線外，影大合照時，她還自動波第一時間搶去頭行靚位，期間更因踎低露出打底褲而成為焦點。其中一位o靚模Irene即有樣學樣，疑扮失平衡露打底褲，作出大反擊！仙樂都透露在新節目中不用暴露，只需食腦：「因為想測試我哋唔做模可以做乜，我都想藉呢個節目試吓自己。」

LuLu則揚言節目有意找她去幼稚園教體育：「遲啲安排我去教，我好鍾意小朋友o架！（衣着性感教『睇肉』？）盡量着得唔性感，先測試到我哋係咪可以做到其他嘢。」