陳見飛同居當結婚

數年前轉信基督教的前歌手陳見飛曾揚言不會婚前性行為，不過前晚她出席活動時改口風，認為性是美事，不應壓抑，更坦言已破戒，現時宗旨就是婚前沒有小朋友便可！

陳見飛（Tricia）出席餐廳酒吧開幕，其他嘉賓還有名模Amanda S.、貝安琪、Rosemary、傅嘉莉、甘國亮及周立璟夫婦等。久未露面的Tricia透露，現時在北京工作，常京港兩邊飛，因男友不喜歡北京，故二人要在香港見面。

問到曾揚言不會婚前性行為的她會否盡快結婚？她靦腆地說：「以前啱啱信教，好多守則都跟到足，依家覺得可以放鬆少少，喺婚前冇小朋友就OK。（即係破戒？）我覺得冇問題，呢樣嘢係一件美麗嘅事，唔好睇到好似唔好嘅嘢咁！（有冇結婚計劃？）其實結婚只係一張紙，我哋喺香港都係同居，同結婚冇乜分別，之前都試過籌備，但我啲屋企人全部喺唔同地方，要約埋都唔係咁易，或者我哋會喺泰國一個小島結婚！」

徐濠縈再開分店

而同場的徐濠縈則偕梁漢文太太Karen一同前來，她透露下月初會開設第三間時裝店，更特別邀得周迅來港出席，她自言有三間時裝店已很滿足，暫時不會再開店，老公陳奕迅亦着她不要太操勞。