BIG FOUR開騷前禁慾

BIG FOUR昨日為下月紅館舉行的《THE BIG FOUR大家利是世界巡迴演唱會2013》備戰綵排，成員梁漢文（Edmond）自爆因排舞而傷及腰部，張衞健即開玩笑：「我哋開騷前係要禁慾o架！」Edmond聽罷即笑說：「邊禁到o架！醫生話我『狼』得滯，但就算到時仲係痛，打止痛針都要上o架喇！劇要有劇力，舞要有舞力，音要有音力，最緊要鞭鞭有力。」健仔又大爆演唱會爆Budget達七位數：「我哋好開心呀！想要乜就有乜，威吔有，Dancer又有。」另外，問到Edmond會否簽新公司，他表示待演唱會後再回應。