司馬燕重擺風水陣抗癌

50歲靚太司馬燕，昨日在《好報》獨家披露患癌暴瘦及切除胃部的心路歷程！她透露之前擺錯風水陣，現時其腸道壁仍有腫瘤及須接受化療，但有寶貝仔支持的她積極面對，更自言上了一課，希望人生無悔！

昨日《好報》率先披露司馬燕於去年十月發現患上胃癌，體重由107磅跌至現時的80磅，她已即時接受手術切除整個胃部，但手術後仍未完全康復，因為醫生發現其腸壁有馬蹄般大的腫瘤兼難以切除，若動手術可能令腸臟枯萎，另外因未確定身體中的癌細胞是否完全消滅，所以仍須接受化療。樂觀的司馬燕並沒灰心，反而剪了一頭清爽短髮，積極面對病情，她說：「自從患咗呢個病，好似上咗人生一課咁，深深感受到家人朋友嘅關心同愛護！」她表示15歲的長子吳澋滔一向比較成熟，不時跟她說「I Love You」打氣，而細仔吳景燿亦有送上「I Love You」字條及經常擁抱她，令她很窩心！

家人好友愛心打氣

一向篤信佛教及風水的司馬燕，去年七月由北京返港居住，直至十月證實患上胃癌後，即找風水師看家居風水，她說：「個風水師話舊年嘅病位係東同東南方，但我就放咗佛像同一幅大象畫對住呢個位，大象鼻吸晒啲病返嚟。」現時她已按風水師吩咐移好家中擺設。她認為人應該學會珍惜：「就算有病都唔可以自怨自艾，唔好浪費咁好嘅生命，個天畀多一日你都要珍惜，起碼到我走時可以同自己講：『I do my best！（我做到最好）』有時睇新聞真係唔明點解自殺嘅人咁睇唔開，世界大把人慘過你，佢哋真係要寫定器官捐贈卡！」

唔可以「打平瞓」

現時司馬燕身上有7吋長的手術傷疤，她表示不可以「打平瞓」，餐單以少食多餐為主，除了戒酒，亦要吸收大量卡路里，每天要喝6、7杯奶，食8隻雞蛋及大量朱古力。她笑言一向不貪吃，現在要追回過去50年的食量。見司馬燕精神奕奕，充滿正能量，定能早日擊退病魔，重拾健康身體。