老婆餵住奶探班 浩民講BB話氹女

大批戲迷逼爆銅鑼灣睇丹爺做戲，同場有份演出的陳浩民亦不輸蝕，有兩位專屬戲迷探班，正是其妻蔣麗莎及1歲女兒。

自囡囡出世後，浩民變得修心養性，上周一家三口到新加坡旅行，蔣麗莎不時在微博上載溫馨家庭照。浩民旅行充電後即返港搏殺，現場所見，其時裝造型比甄子丹的古裝Look輕鬆得多，而為爭取家庭樂時間，不用埋位時，他都走到妻女身邊傾偈，向BB車內的囡囡大講BB話，流露一臉父愛，當一家三口返上休息車時，蔣麗莎不惜將名牌手袋遞給女兒玩，至浩民正式埋位，她抱起愛女睇爸爸拍戲，更當場開奶餵女，手勢純熟，絕對是稱職母親。