八両金招商認完反口

藝人八両金近日被爆登廣告招攬生意拍檔，記者以「招商者」身份接觸，他說：「之前喺內地註冊時裝品牌，開咗六間舖但執晒笠。我怕同相熟大老闆搞，蝕錢面左左，所以登報搵兩、三個拍檔，集資二百萬。有個有錢佬話全力撐我，條件係我唔准有老婆，要跟佢！」

但當另一位記者到深圳一個商住單位採訪時，八両金卻否認招商：「我試過搞生意畀人呃咗幾十萬，唔想再同人合作。呢個單位係我屋企、貨倉、神壇、電影公司同工作室！」又介紹單位內一男一女：「呢位係我時裝同電影拍檔。我設計嘅時裝，一件衫五個名牌Logo，人賣萬五，我賣千五。（唔驚人告抄襲？）人抄我就真！我哋有晒商業登記！個女人係員工，報道話我好多女人，但我守身如玉o架！」